பிடிச்சதை செய்யுங்க ! : விஜய்

ஷங்கர் இயக்கத்தில் விஜய், ஜீவா, ஸ்ரீகாந்த், இலியானா மற்றும் பலர் நடித்து வெளியானது 'நண்பன்'.

விஜய் தற்போது நடித்து வரும் ' துப்பாக்கி ' படத்தின் படப்பிடிப்பு பாதிக்கப்பட்டு உள்ளதால் தமிழ்நாட்டில் உள்ள முக்கிய திரையரங்குகளுக்கு சென்று நண்பன் படத்தினை விளம்பரப்படுத்தி வருகிறார்.

' நண்பன் ' படத்தினை விளம்பரப்படுத்த மதுரை சென்ற விஜய் அங்கு நண்பன் படம் திரையிடப்பட்டுள்ள திரையரங்கம் ஒன்றில் ரசிகர்கள் முன்னிலையில் பேசினார்.

அப்போது " என்னுடைய ரசிகர்கள் எல்லோரையும் என் நண்பர்களாகத் தான் பார்க்கிறேன். இந்த படத்தை வெற்றி பெற செய்த என் நண்பர்கள் அனைவருக்கும் நன்றி. ஒரு மனிதனுக்கு எதிர்பாராதவிதமாக பெற்றோர் கூட இல்லாமல் இருக்கலாம். ஆனால் 'நண்பன்' இல்லாமல் இருக்க முடியாது. அந்த கருத்து இந்த படத்தில் பதிவு செய்யப்பட்டுள்ளது.

ஒவ்வொருவரும் தங்கள் வாழ்வில் வெற்றி பெற அவர்களுக்கு பிடித்த துறையை தேர்ந்தெடுத்துக் கொள்ளுங்கள். எனது ரசி்கர்களுக்கும் நான் அதைத்தான் கூறுவேன். வாழ்க்கையில் முன்னேற்றம் பெற வேண்டும் என்றால் உங்களுக்கு விருப்பமான துறையை தேர்வு செய்யுங்கள். அதில் நிச்சயமாக வெற்றி பெறுவீர்கள்.

என்னை டாக்டர் ஆக்க என் அப்பா விரும்பினார். ஆனால் எனக்கோ சினிமாவின் மீது ஆர்வம் அதிகம் இருந்ததால் வீட்டில் சண்டைபோட்டு இந்த துறைக்கு வந்தேன். இப்போது இந்த துறையில் வெற்றியும் பெற்று இருக்கிறேன் " என்று பேசினார்.