புதிய தோற்றத்தில் நண்பன் விஜய்!

”த்ரீ இடியட்ஸ்” இந்தி படத்தின் தமிழ் ரீமேக்கான ”நண்பன்” படத்தில் விஜய் வித்தியாசமான தோற்றத்தை காட்டி நடித்துள்ளார்.

இயக்குனர் ராஜா இயக்கும் ”வேலாயுதம்” படத்திலும் பிசியாக நடித்து வருகிறார்.

இயக்குனர் ஷங்கர், ”நண்பன்” படத்துக்காக புது மாதிரி சிகை அலங்காரத்தில் விஜய்யை நடிக்க வைக்க முடிவெடுத்தார். ஆனால், ”வேலாயுதம்” படத்திலும் விஜய் நடிக்கிறார் என்பதால் பிறகு அந்த முடிவை மாற்றிக் கொண்டார்.

சூப்பர் ஸ்டார் ரஜினி காந்துக்கு சிவாஜி, எந்திரன் படங்களில் பல வித தோற்றத்தை போட்டு அழகு பார்த்தவர் தான் இயக்குனர் ஷங்கர். ”நண்பன்” படத்தில், இந்தியில் அமீர்கான் நடித்த கதாபாத்திரத்தில் விஜய் தமிழில் நடிக்கிறார் என்பதால் விஜய்யை வித்தியாசமாக காட்ட முயற்சித்துள்ளார் அவர்.

விஜய்யுடன் இணைந்து நடிக்கும் ஜீவா, ஸ்ரீகாந்த் இருவரையும் கல்லூரி இளசுகளின் தோற்றத்தில் நடிக்க வைத்துள்ளார் என்கிறது பட வட்டாரம்.