குஷ்புவே சொல்லிட்டாங்க.! : ஹன்சிகா பூரிப்பு

விஜய்க்கு நாயகியாக ஹன்சிகா நடித்து வெளிவந்துள்ள படம் 'வேலாயுதம்'. இப்படம் தமிழகம் முழுவதும் பெரும் வரவேற்பை பெற்று இருக்கிறது.

ரசிகர்களிடையே படம் வரவேற்பை பெற்று இருந்தாலும் அதனை கொண்டாடும் முடிவில் இல்லையாம் ஹன்சிகா. காரணம் தனது பரீட்சைக்கு இரவு - பகல் பாராமல் படித்து வருகிறாராம்.

'வேலாயுதம்' படத்தை பார்த்த குஷ்பு தனது டிவிட்டர் இணையத்தில் " வேலாயுதம் படம் பார்த்தேன். ஹன்சிகா மிகவும் க்யூட்டாக நடித்து இருக்கிறார். அவரை என்னுடன் ஒப்பிட்டு பேசுவது நன்றாக இருக்காது. எனது ஆரம்ப கால படங்களில் நான் நடித்ததை விட அருமையாக நடித்து இருக்கிறார் ஹன்சிகா " என்று தெரிவித்துள்ளார்.

குஷ்புவின் இந்த செய்தியை ஹன்சிகா கேட்டதும் மேலும் பூரித்து போனாராம். தமிழ் திரையுலகம் ஒரு காலத்தில் கொண்டாடிய நடிகை தன்னை பற்றி இவ்வாறு கூறியிருப்பது அவருக்கு அளவு கடந்த சந்தோஷத்தை கொடுத்து இருக்கிறது.