ஃபேஷன் வியாபாரத்தில் களமிறங்கும் இலியானா

தெலுங்குத் திரையுலகின் முன்னணி கதாநாயகிகளில் ஒருவர் இலியானா ஆவார். இவர் இப்போது ஷங்கர் இயக்கத்தில் விஜயுடன் நண்பன் திரைப்படத்தில் நடித்துவருகிறார்.

நாயகி இலியானா தனது சொந்த ஊரான கோவாவில் இருந்தாலும் படப்பிடிப்பிற்காக வெளிநாடுகளுக்கு செல்லும் போதும் ஃபேஷன் வேட்டை நடத்துவதை வாடிக்கையாக வைத்துள்ளாராம்.

ஃபேஷன் டிசைனிங் படித்த தனது அம்மாவிற்கு இலியானா ஷோரூம் வைத்து கொடுத்துள்ளார். அதற்காக நவீன உடைகளை வகை, வகையாக வாங்கி குவித்துள்ளார். வெளிநாடுகளுக்கு செல்லும் போது நவீன ரக ஆடைகள் பற்றி விசாரித்து விடுவார்.

இன்றைய இளசுகளுக்கு பிடித்தமான ஆடைகளை ஷோரூமுக்கு கொண்டு வந்து விடுவார். படங்களில் நடித்துக் கொண்டே ஃபேஷன் வியாபாரத்தில் இறங்கியிருக்கிறார் என்கிறது சினிமா வட்டாரம்.