தீபாவளிக்கு வெளியாகும் விஜய்யின் வேலாயுதம் படத்துக்கு பெரிய தியேட்டர்களை ஒதுக்க வேண்டும் என்று நூற்றுக்கும் மேற்பட்ட விஜய் ரசிகர்கள் ஆர்ப்பாட்டம் நடத்தினர்.
வேலாயுதம் படம் சென்னை மற்றும் புறநகர்களில் 38 திரையரங்குகளில் வெளியாகிறது. பெரும்பாலான பெரிய தியேட்டர்கள் ஏழாம் அறிவுக்கு ஒதுக்கப்பட்டுள்ளதால், அடுத்த நிலையில் உள்ள அரங்குகளே வேலாயுதத்துக்கு கிடைத்துள்ளன.
அண்ணா சாலையில் உள்ள தேவி திரையரங்க வளாகத்திலும் இந்தப் படம் வெளியாகிறது. தேவி வளாகத்தில் 4 அரங்குகள் இருந்தாலும் இரண்டுதான் பெரியவை. தேவி கலா, தேவி பாலா இரண்டும் சிறிய அரங்குகள். இந்த சிறிய அரங்குகள்தான் விஜய் படத்துக்கு ஒதுக்கப்பட்டுள்ளன.
தேவி மற்றும் தேவி பாரடைஸ் ஆகிய இரு பெரிய அரங்குகளும் உதயநிதி ஸ்டாலினின் ஏழாம் அறிவுக்கு ஒதுக்கப்பட்டுவிட்டன.
வேலாயுதத்துக்கு இந்த பெரிய அரங்குகளில் ஒன்றை ஒதுக்க வேண்டும் என்று கோரி 300-க்கும் மேற்பட்ட விஜய் ரசிகர்கள் தேவி திரையரங்க வளாகத்தில் கூடி ஆர்ப்பாட்டம் நடத்தினர்.
0 Comments:
Post a Comment